वंडो

किडनी ट्रान्सप्लान्टेशन जे आपरेशन

हिन भाग में किडनी ट्रान्सप्लान्टेशन जे आपरेशन जे बाबत जानकारी डि॒नियल आहे।

किडनी ट्रान्सप्लान्टेशन जे आपरेशन में छा कयो वेंदो आहे ?

आपरेशन खां अगि॒ में किडनी फेल्यर जे मरीज़ जी अनेक नमूने शारीरिक जांच (तपास​) कई वेंदी आहे । इन तपास जो मक़िसद मरीज़ खे आपरेशन में रंडक विझंदड़ का बीमारी त न आहे ऐं हुन जो शरीर आपरेशन लाइ तैयार आहे, उन जो ख़तिरो करण जो आहे ।

किडनी ट्रान्सप्लान्टेशन​

  • अगि॒ में जा॒णाअे चुका आहियूं तीअं ब्ल्ड ग्रूप हासिल करे (अेच.अेल​.अे.) समानता जो अंदाज़ संतोषकारक आहे, उन जी ख़ातिरी करे ट्रान्सप्लान्टेशन आपरेशन कयो वेंदो आहे ।
  • किडनी ट्रान्सप्लान्टेशन जो आपरेशन हिकु टीम वर्क आहे ।यूरोलाजिस्ट (किडनी सर्जन​), नेफ्रोलोज्सिक (किडनी जी फिज़ीशीयन​) पेथोलाजिस्ट (अेनेस्थेटिस्ट​) ऐं बि॒यनि तालीम हासिल कयल मददगारीन जे गडि॒यल कोशिश सां ही आपरेशन थींदो आहे । आपरेशन करण जो कमु यूरोलोजिस्ट जो आहे ।
  • आपरेशन जी जरूरी जा॒ण डि॒यण खां पोइ आपरेशन खां अगि॒ में मरीज़ जे माइटनि जी ऐं दाता जी क़बूलियत वरिती वेंदी आहे ।
  • आपरेशन रवाजी नमूने टिनि खां चार कलाक हलंदो आहे । जेको जनरल अेनेसस्थोसिया डे॒ई करे कयो वेंदो आहे ।
  • दाता जे शरीर मां आपरेशन ज़रीये हिक किडनी कढी उन खे ख़ास क़िसिम जी थधी पाणियठ सां बराबर नमूने साफ करे मरीज़ जे पेट में अगि॒अें हिस्से खां हेठियें हिस्से में विझबी आहे । आम तोर दाता जी खाबी॒ किडनी कढी मरीज़ जे साजे॒ पासे पेट में विझबी आहे ।
  • रवाजी तोर मरीज़ जी ख़राब थियल किडनी कढी न छडि॒बी आहे, जेकड॒हिं उहा शरीर के नुक़िसान न पहुंचाईंदी हुजे ।
  • जड॒हिं किडनी ज़िन्दह दाता खां वरिती वेंदी आहे तड॒हिं उहा ट्रान्सप्लान्टेडड किडनी यकिदम कमु करणु शुरू कंदी आहे, पर जड॒हिं दाता मुअलु माण्हू हुजे त अहिड़नि मरीज़नि में ट्रान्सप्लान्टेशन किडनीअ खे कमु करण में कुझ डीं॒हंनि खां कुझ हफितनि जो वक़्तु लगी॒ सघे थो । किडनी हासिल कंदड़ मरीज़ खे जेसिताईं ट्रान्सप्लान्टेड किडनी कमु करणु शुरू करे तेसिताईं नेमाइतो डायालिसिज़ कराइणु लाज़िमी आहे ।
  • आपरेशन खां पोइ जी संभाल ऐं इलाज जी जवाबदारी नेफ्रोलोजिस्ट संभालींदो आहे ।

किडनी ट्रान्सप्लान्टेशन खां पोइ जा॒णण जहिड़ी ज़रूरी जा॒ण

किडनी ट्रान्सप्लान्टेशन खां पोइ मुमकिन जोखमः

किडनी ट्रान्सप्लान्टेशन खां पोइ मुमकिन जोखमनि में रिजेक्शन​, इन्फेक्शन​, दवा जी साईड इफेक्ट ऐं आपरेशन सां वासितो रखंदड़ जोखमनि जो समावेश थिअे थो ।

ट्रान्सप्लान्टेशन खां पोइ मुख्य ब॒ सूचिनाऊँ ध्यान में रखणु ज़रूरी आहिनि :

  • दवा ज़रीये इलाजु ऐं किडनी रिजेक्शन ।
  • किडनी ट्रान्सप्लान्टेशन खां पोइ ट्रान्सप्लान्टेड किडनी कमु कंदी रहे ऐं इन्फेक्शन न थिअे, उन जी खबरदारी रखिणी ।

दवा ज़रीये इलाजु ऐं किडनी रिजेक्शन

किडनी ट्रान्सप्लान्टेशन बि॒यनि आपरेशननि खां कहिड़े नमूने अलहिदो आहे ?

रवाजी नमूने बि॒यनि आपरेशननि खां पोइ मरीज़ के फक़ति 7 खां 10 डीं॒हं ई दवा वठिणी पवंदी आहे पर किडनी ट्रान्सप्लान्टेशन खां पोइ किडनी रिजेक्शन खे रोकण लाइ जीवन भर याने हमेशह लाइ दवा वठिणी ऐं तमाम घणी ख़बरदारी रखिणीई ज़रूरी आहे । रिजेक्शन रोकण लाइ ट्रान्सप्लान्टेड खां पोइ दवा उम्र भर वठणु ज़रूरी आहे ।

किडनी रिजेक्शन छा आहे ?

असां जे शरीर जी बीमारियुनि सां मुक़ाबिलो करण जी शक्ति अहिड़े क़िसिम जी हूंदी आहे जो शरीर जे बा॒हिर जा जंतू जहिड़ोकि बेकटेरीया या वायरस जेके शरीर खे नुक़िसान पहुचाअे सघनि था, उन्हनि जो नास करे थी । बि॒यनि आपरेशननि वांगुर किडनी ट्रान्सप्लान्टेशन जो आपरेशन कामियाब वञे याने कमु पूरो नथो थिअे । मरीज़ जे रतु में आयल अछनि जुज़नि में बीमारियुनि सां मुक़ाबिलो कंदड़ शयूं, इन न​ईं किडनीअ खे बा॒हिर जी -पराई ग॒णे उन जे साम्हूं लड़ी उन खे बेकार बणाअे छडी॒नि अहिड़ो इमकान रहे थो, जंहिं खे तबीबी भाषा में किडनी रिजेक्शन चइबो आहे ।

किडनी रिजेक्शन कड॒हिं थी सघे थो ऐं उन जो असर छा थी सघे थो ?

किडनी रिजेक्शन​, ट्रान्सप्लान्टेशन जे आपरेशन खां पोइ कड॒हिं बि थी सघे थो पर पहिरियनि छहनि ई महीननि में थियण जो इमकान वधीक थींदो हूंदो आहे । रिजेक्शन जी सख़िताई हरहिक मरीज़ में अलग॒-अलग॒ हूंदी आहे । घणा रिजेक्शन हलिका हूंदा आहिनि ऐं उहे इम्युनोसप्रेसन्ट दवाउनि Immunosuppressant therapy जी मदद सां इलाज करे सघिबो आहे । पर किनि मरीज़नि में रिजेक्शन तमाम गंभीर हूंदो आहे ऐं इलाज सां को बि फायदो न थींदो हुजे त उन हालत में रिजेक्शन जे करे ट्रान्सप्लान्टेड किडनी बेकार बणिजी सघे थी ।

किडनी ट्रान्सप्लान्टेशन खां पोइ रिजेक्शन जो इमकान घटाइण लाइ जहिड़े क़िसिम जे दवाउनि जो उपयोग थींदो आहे ?

  • शरीर जी बीमारियुनि खां बचाव जी शक्तिअ जे करे नईं विधल किडनीअ खे रिजेक्शन जो ख़तिरो रहे थो ।
  • किडनी दान करणु सलामत आहे ऐं सी.के.डी. मरीज़ जी जानि बचाअे थो ।

  • जेकड॒हिं दवा जे ज़रीये बीमारियुनि खां बचाव जी शक्ति Immune system खे मुकमल नमूने दबा॒यो वञे त रिजेक्शन जो ख़तिरो न रहंदो आहे पर मरीज़ खे मौतमार बीमारी थियण जो ख़तिरो रहे थो ।
  • किडनी ट्रान्सप्लान्टेशन खां पोइ अहिड़ी ख़ास क़िसिम जी दवा डि॒नी वेंदी आहे जेका इन्फेक्शन जे साम्हूं लड़ण जी बचाव जी शक्तिअ क़ायम रखनि थियूं पर रिजेक्शन करण जी शक्ति घटाअे छडी॒नि थियूं (Selective immunosuppression) ऐं इन क़िसिम जी दवा खे इम्यूनोसप्रेसन्ट चइबो आहे ।
  • इन क़िसिम जी दवाउनि में प्रेडनीसोलोन​, सायक्लोस्प्रोरीन ओझा थीयोप्रीम​, मायकोफेनोलेट मोफेटिल​ (MMF), टेकरोलीमस ऐं सीरोलीमस मुख्य दवाऊँ आहिनि ।

किडनी ट्रान्सप्लान्टेशन खां पोइ इम्युनोसप्रेसन्ट दवाऊँ के सिताई वठणु ज़रूरी आहिनि ?

तमाम महांगियू इहे दवाऊँ मरीज़ खे किडनी ट्रान्सप्लान्टेशन खां पोइ हमेशह लाइ ज़िन्दगीअ भर वठिणियूं पवंदियूं आहिनि । शुरूआत में दवा जो डोज़ ( ऐं ख़र्च पिणु ) वधीक हूंदो आहे जंहिं में वक़्त गुज़िरंदे आहिस्ते आहिस्ते घटिजंदो वेंदो आहे ।

किडनी ट्रान्सप्लान्टेशन खां पोइ बी॒ का दवा वठण जी ज़रूरत पवंदी आहे ?

हा किडनी ट्रान्सप्लान्टेशन खां पोइ मरीज़नि खे ज़रूरत अनुसार बि॒यनि दवाउनि में ब्लड प्रेशर जू दवाऊँ, केल्शियम​, विटामिन्स​, एन्टी बायोटिक्स वग़ैरह दवाऊँ वठिणियूं पवंदियूं आहिनि । बी॒ बीमारीअ लाइ नअें डाॅक्टर खे किडनी ट्रान्सप्लान्टेशन करायल आहे ऐं चालू दवाउनि बाबति वाक़िफ करणु ज़रूरी आहे ।

इम्युनोसप्रसेन्ट दवाउनि जी रवाजी साइड इफेक्ट कहिड़ियूं थी सघनि थियूं ?

रवाजी साइड इफेक्ट जेके इम्युनोसप्रसेन्ट दवाउनि ज़रीये थियनि थियूं , उहे हेठीअं रीति थी सघनि थियूं :

किडनी ट्रान्सप्लान्टेशन खां पोइ जी कामियाबीअ लाई ख़बरदारी, परहेज़ ऐं नियमितता तमाम ज़रूरी आहे ।

दवाऊँ रवाजी साइड इफेक्ट​

  • प्रेडनीसोलोन- वज़न वधणु, रतु जो ऊचो दाब॒, बुख लग॒णु, अेसीडीटी, डायाबिटिज़ थियण जो ख़तिरो, हडा॒ क़मिज़ोर थियणु ऐं मोतियो अचणु ।
  • साइक्लोस्पोरीन- रतु जो ऊचो दाब॒, ड॒किणी, वारनि जो वधीक विकास​, मुहाड़िन में सोजु॒, डायाबिटिज़ थियण जो ख़तिरो, किडनीअ खे नुक़िसान ।
  • अेज़ाथायोप्रिम- इन्फेक्शन थियण जो इमिकान​, हड॒नि में अछनि जुज़नि जे उत्पादन में घटिताई ।
  • अेम​.अेम.अेफ- पेट में सूर , उल्टी-उबि॒था, दस्त ।
  • टेकरोलीमस- रतु जो ऊचो दाबु॒, डायाबिटिज़ , ड॒किणी, मथे में सूर पवणु, किडनीअ खे नुक़िसान ।
  • सीरोलीमस- रतु जो ऊचो दाबु॒, रतु जे जुज़नि जो घटिजणु, दस्त​, मोहीड़ा, संधनि जो सूर​, वधीक कोलेट्रोल जो अंदाज़ ।
स्त्रोत: किडनी एजुकेशन
2.73333333333
गडु समालोचना

पंहिंजो सुझाउ डियो

Enter the word
नेविगतिओन
Back to top