वंडो

क्रोनिक किडनी फेल्यर ऐं उन जा सबब​

हिन भाग में क्रोनिक किडनी फेल्यर ऐं उन जा सबब​ जे बाबत जानकारी डि॒नियल आहे।

किडनीअ जे बीमारियुनि में क्रोनिक किडनी फेल्यर तमाम गंभीर बीमारी आहे छाकाणि त हिन वक़्त तबीबी विग्यान वटि हिन बीमारी दूर करण जी का बि दवा न आहे । गुज़िरियल केतिरनि सालनि खां हिन बीमारीअ जे मरीज़नि जो अददु लगा॒तार वधंदो वञे थो । डायाबिटीज़ , रतु जो दाबु॒, तमाकु, कोलेस्ट्रोल जे अंदाज़ में इज़ाफो वग़ैरह बीमारियुनि जो वधंदड़ अंदाज़ ऐं किडनीअ जे बीमारियुनि जे निदान लाइ सविलाई सां मैसर (न मिलंदड़​) सहोलियतूं इन लाइ घणे भाड़े जवाबदार आहिनि ।

क्रोनिक किडनी फेल्यर छा आहे ?

हिन क़िस्म जे किडनी फेल्यर में किडनी ख़राब थियण जी प्रक्रिया तमाम आहिस्ते थींदी आहे जेका महिननि या सालनि ताईं हलंदी आहे । घणे वक़्त बइद घणे भाड़े मरीज़नि में ब॒ई किडनियूं सोढ़िहियूं थी तमाम नंढियूं थी हमेशह लाइ कमु करणु बंद करे छडीं॒दियूं आहिनि ऐं कंहिं बि दवा, आपरेशन , डायालिसिज़ द्वारां सुधारे न सघिबियूं आहिनि ।

क्रोनिक किडनी फेल्यर जे शुरुआती तबक़े में इलाजु सही दवा ऐं परहेज़ द्वारां कयो वेंदो आहे । घणनि माण्हुनि (मरीज़नि) में जिन खे क्रोनिक किडनी फेल्यर हूंदो आहे, उन्हनि में हक़ीक़त में किडनीअ जी कमु करण जी शक्ति घणे क़दुर घटिजी वेंदी आहे , न ई किडनी फेल थींदी आहे ।

एन्ड स्टेज किडनी (रीनल​) डिसीज़ (इ.अेस​.के.डी. \ इ. अेस​. आर​.डी.) छा खे चइजे थो ?

क्रोनिक किडनी फेल्यर में वक़्त सां गडो॒गडु॒ ब॒ई किडनियूं आहिस्ते-आहिस्ते वधीक ऐं वधीक ख़राब थींदियूं वञनि थियूं । जंहिं हालत में ब॒ई किडनियूं घणे क़दुर (९०% खां वधीक​) या समूरीअ रीत कमु करणु बंद कनि, उन हालत खे एन्ड स्टेज रीनल डिसीज़ या सम्पूर्ण किडनी फेल्यर चइजे थो । इन हालत में सही दवा ऐं परहेज़ हूंदे बि मरीज़ जी तबियत आहिस्ते-आहिस्ते ख़राब थींदी वेंदी आहे ऐं मरीज़ खे बचाइण लाइ हमेशह नेमाइतो डायालिसिज़ कराइण या किडनी ट्रान्सप्लानेशन कराइण जी ज़रूरत पवंदी आहे ।

क्रोनिक्स किडनी फेल्यर जा मुख्या सबब कहिड़ा आहिनि ।

केतिरियूं ई अहिड़ियूं बीमारियूं हूंदियूं आहिनि जेके किडनी संपूर्ण नमूने कमु करणु बंद करे छडी॒न एतिरो नुक़सान करे सघनि थियूं । पर डायाबिटीज़ ऐं रतु जो वधीक दाबु॒ क्रोनिक किडनी फेल्यर जा मुख्य ब॒ कारण हूंदा आहिनि ।

कंहिं बि उपाव सां सुधरी न सघे, इन नमूने ब॒ई किडनियूं ख़राब थियण जा मुख्य कारण हिन रीत आहिनि :

  1. डायाबिटीज़ : तंव्हाखे इहो जा॒णी अजबु ऐं दुख थींदो त क्रोनिक किडनी फेल्यर जा 30 खां 40 सेकड़ो मरीज़ याने हर टिनि मरीज़नि मां हिक मरीज़ जी किडनी डायाबिटीज़ जे करे ख़राब थिऐ थी । डायाबिटीज़ क्रोनिक किडनी फेल्यर जो सभ खां अहिमियत वारो ऐं गंभीर कारणु हुअणु सबबु डायाबिटीज़ जे सभिनी मरिज़नि खे मरीज़ ते क़ाबू रखणु तमामु ज़रूरी आहे ।
  2. रतु जो ऊचो दाबु॒ : रतु जे ऊचे दाब॒ लाइ सही इलाज न कराइण सां या अणपूरे इलाज करे 30% मरीज़नि खे क्रोनिक किडनी फेल्यर थींदो आहे ऐं लम्बे अरिसे ताईं रतु जो ऊचो दाब॒ क्रोनिक किडनी फेल्यर करे सघे थो ।
  3. क्रोनिक ग्लोमेरूलोने फाइटिस : हिन क़िस्म जी किडनीअ जी बीमारीअ में मुंहं ऐं पेरनि ते सोज॒ ऐं रतु जो ऊचो दाबु॒ डि॒सण में ईंदो आहे ऐं ब॒ई किडनियूं आहिस्ते-आहिस्ते कमु करणु बंद कनि थियूं ।
  4. मौरोसी (वारिसे जूं) बीमारियूं (पौलीसिस्टक किडनी -डिसीज़ ऐं आल्पोट सिन्ड्रोम ) । हीअ तमाम रवाजी वरिसे वारी सी.के.डी. जी बीमारी आहे, जंहिं में बि॒न्ही किडनियुनि में केतिरियूं ई पाणयाठी गो॒ड़िहियूं थी पवंदियूं आहिनि ।
  5. पथिरीअ जी बीमारी : किडनी ऐं मूत्रमार्ग में बि॒न्ही पासे रंडक ऐं उन जो वक़्त सिर सही इलाज कराइण में डे॒खारियल लापरवाही ।
  6. घणे वक़्त ताईं वरितल केतिरियूं दवाऊँ (जहिड़ोक सूर खे दबा॒ईंदड़ दवाऊँ भस्म वग़ैरह ) जी किडनीअ ते आड॒ असर ।
  7. बा॒रनि में थींदड़ वक़्त​-बि-वक़्त किडनी ऐं मूत्र मार्ग जी बीमारी ।
  8. बा॒रनि में जन्म खां मूत्र मार्ग जूं ख़ामियूं (वेसीको युरेट्रीक रीफ्लक्स​, पोस्टीरियर युरेथ्रल वाल्व​) वग़ैरह ।

स्रोत : किडनी एजुकेशन

2.87272727273
गडु समालोचना

पंहिंजो सुझाउ डियो

Enter the word
नेविगतिओन
Back to top