बुकीअ जे रोगनि जूं निशानियूं
बुकीअ जे रोगनि जूं निशानियूं
बुकीअ जे जुदा जुदा रोगनि जूं अलग-अलग निशानियूं हूंदियूं आहिनि जे के रोग जे किस्म ऐं उन जी सख़िताईअ ते मदार रखनि थियूं । केतिराई दफ़ा निशानियूं किडनीअ सां वासितो रखंदड़ तकलीफ नथियूं डेखारीनि ऐं रवाजी तकलीफ हुजे अहिड़नि मरिज़नि में तकिड़ो मरिज़ जी सुञाणप थी नथी सघे ।
आम नज़र ईंदड़ निशानियूं
मुंहं ऐं पेरनि ते सोज
रवाजी तरह किडनीअ जी तकलीफ वारनि मरीज़नि में मुंहं , पेरनि ऐं पेट ते सोज नज़र ईंदी आहे । किडनीअ जे मरीज़नि में सोज थियण जी ख़ासियत इहा आहे त उन जी शुरूआत अखि जे हेठियनि पलिकुनि खां शुरू थींदी आहे ऐं तमाम सुबूह जी सवेर वधीक डिसण में ईंदी आहे ।
किडनी फेल्यर इहो सोज थियण जो आम ऐं मुख्य सबबु आहे, पर हर वक़्त सोज थियणु, इहा किडनी जी बिमारी आहे , ईअं न आहे । किडनीअ जे केतिरियुनि बीमारियुनि में किडनीअ जी कम करण जी शक्ति बराबर हूंदे पिणु सोत नज़र ईंदी आहे (नेफ्रोटिक सिन्ड्रोम) ऐं कुझ मरीज़नि में त सोज नज़र ई न ईंदी आहे ।
बुख घटि लगणु, उल्टी ओकार अचणु
बुख घटि लगणु, खाधो बेसवाद लगणु ऐं खाधो घटिजी वञणु, इहे किडनी फेल्यर जे मरीज़नि में रवाजी तरह नज़र ईंदड़ निशानियूं आहिनि । किडनीअ जी बिमारी वधी वञण सां रतु में इखराजी ऐं ज़हिरी शयुनि जो अंदाज़ वधण सां मरीज़ खे उल्टी ओकारा ऐं हिडकी थी पवंदा आहिनि ।
सुबुह जो मुंहं ऐं अखियुनि ते सोजु थियण इहा किडनीअ जी बीमारीअ जी तमाम रवाजी ऐं पहिरीं निशानी आहे ।
नंढी उमिर में रत जो ऊचो दाबु
किडनी फेल्यर जे मरीज़नि में रत जो ऊचो दाबु हुअण आम आहे, पर जेकडहिं नंढी उमिर में (३० सालनि खां घटि) या निदान वक़्त रतु जो दाबु तमाम ऊचो (वधीक) हुजे त उहो किडनीअ जी बीमारीअ जो कारण थी सघे थो ।
रत में फ़िकाइप ऐं कमज़ोरी
आम रवाजी कमजोरी , जल्दी थकु लगण, कमु करण में दिल न लगणु, एनिमिया इहे सभु आम निशानियूं आहिनि । केतिरा दफ़ा किडनी फेल्यर जो शुरूआती तबक़े में अेतिरियूं ई शिकायतूं डिसण में ईंदियूं आहिनि । एनिमिया जी संपूर्ण इलाज करण् बइद पिणु किडनीअ जी तपास कराइणु लाज़िमी बणिजी वञे थी ।
अण मुक़रर शिकायतूं
कमर (चोल्हि) जो सूर , बदन टुटणु, ख़ारिस अचणु, टंगुनि में सूर, इहे सभु निशानियूं किडनिअ जे मरीज़नि में वक़्त-बि-वक़्त डिसण में ईंदियूं आहिनि । शरीर जो विकास अटिकी पवणु , नंढो क़दु ऐं डिघा हडा मुड़ी वञणु, इहो किडनी फेल्यर जे बारनि में आम तौर डिसण में ईंदो आहे ।
पेशाब में थीदड़ आम शिकायतूं
- रवाजी तोर पेशाब घटि अचणु ऐं सोज चढ़ही वञणु इहो अलग-अलग किडनीअ जी बीमारियुनि में डिसण में ईंदो आहे ।
- पेशाब में साड़ो थियणु, रतु या रोग निकिरण , हर घड़ीअ पेशाब लगणु, इहे सभु मूत्र-मार्ग जे रोग जूं निशानियूं आहिनि ।
- पेशाब करण में तकलीफ थियणुअ, ज़ोर लगाइणो पवे, पेशाब फुड़ो-फुड़ो थी अचे या पेशाब जो वहिकरो घटिजी वञणु इहे सभु मूत्र मार्ग जू रूकावटूं बुधाईनि थियूं ऐं तमाम तेज़ हालितुनि में पेशाब बिल्कुल बंद थी वञणु, इहो ग़ैर रवाजी न आहे ।
थी वञणु, इहो ग़ैर रवाजी न आहे । जेकडहिं नंढीअ उम्र में ऊचे रतु जो दाबु हुजे त ऊहो किडनीअ जूं तकिलीफूं डेखारे थो ।
मरीज़नि में मिथयुनि मां के निशानियूं हुजनि त इहो ज़रूरी कोन्हे त उन मरीज़ खे किडनीअ जी बिमारी आहे । तंहिं हूंदे बि जिन माण्हुनि में मथियूं निशानियूं नज़र अचनि अहिड़नि माण्हूनि खे जेतिरो थी सघे, जल्दी डाक्टर जी सलाह वठणु घुरिजे, जींअ किडनीअ जी बीमारीअ जो तुर्त ई इलाज कराअे सघिजे ।
इहो याद रखणु ख़ास अहिमियत वारो आहे त गंभीर किडनीअ जूं बिमारियूं लंबे अरिसे ताईम् के बि निशानियूं न पिणु डेखारींदियूं आहिनि ऐं इन ई सबब करे निदान करण में देर थी वेंदो आहे । गंभीर किडनीअ जूं बीमारियूं लंबे अरिसे ताईं के बि निशानियूं न पिणु डेखारींदियुं आहिनि ।
स्रोत : किडनी एजुकेशन
आख़िर बदलाउ कयल : 2/15/2020
