वाक़िफ़ियत
वाक़िफ़ियत
किडनी (बुकी) शरीर जो हिकु अहिड़ो हैरित अंग़ेज़ अुज़िवो आहे, जेको असां जे शरीर मां गै़र जरूरी शयूं दूर करे शरीर खे साफ ऐं तंदुरुस्त रखण में अहिमियत जो पार्ट अदा करे थो । जेतोणेक अुन जो बुनियाद कमु ज़हिरी शयूं शरीर मां दूर करण जो आहे, मगर संदसि फ़कति अेतिरो ई कमु न आहे । किडनी रतु जो दाबु क़ाइम रखणु ऐं रतु जे दौरे ज़ाबितो रखणु जा तमामु अहिमियत जा कार्य पिणु करे थी । जेतोणेक असां मां घणा बिनि किडनियुनि सां जनम वठन था, पर हिकु किडनी पिणु मथियां सभु कम करण लाइ ज़ोरिदार नमूने असरदायक आहे । गुज़िरियल कुझु सालनि खां डायाबिटीज़ ऐं रतु जो ऊचो दाबु बारनि मरीज़नि में ध्यान छिकाईंदड़ इज़ाफो डिसण में अचे थो , जंहिंकरे क्रोनिक किडनी वेल्यर जे अंदाज़ में पिणु गंभीर वाधि डिसण में अचे थी । इहा गाल्हि किडनीअ जे बीमारियुनि डांहुं बहितर सुजागी ऐं समिझ, अुन डांहुं खबरदारी ऐं तकिड़े इलाज डांहुं आमादाह करे थी । हिन किताब में इहो ई जाणाइण जी कोशिश कयल आहे । इन जो मक़िसद आहे मरीज़नि खे किडनीअ सां वास्तो रखंदड़ बीमारियुनि खे समझणु ऐं उन्हनि सां मुक़ाबिलो करण लाइ खुद खे तैयार रखण में मदद करणु । अक्सिर पुछिया वेंदड़ सुवालनि जा जवाब डियण लाइ तैयार करण जी पिणु इहा कोशिश आहे ।
हिन किताब जो शुरुआती हिस्सो पढ़िहंदड़नि खे, किडनी इन्सानी शरीर जो हिक प्राण आधार अुज़िवो आहे ऐं किडनीअ सां वाबस्ता बीमारियुनि खे रोकण लाइ सलाह जी वाक़िफ़ियत डिअे थो । जेतोणेक हिन किताब जो घणो हिस्सो किडनीअ जे मरीज़नि ऐं उन्हनि जे कुटुंबियुनि सां वासितो रखंदड़ गाल्हियुनि लाइ खास तौर अर्पण कयल आहे । ही किताब डेजारींदड़ बीमारीअ जे कारणनि, निशानियुनि ऐं निदान सां वासितो रखंदड़ आहे ऐं इलाज लाइ मौजूदह अख़ितियारियुनि बाबत पिणु जाण डिअे थो ।
पंहिंजी किडनीअ बाबत जाणो ऐं किडनीअ जे बीमारियुनि खे रोकियो ।
क्रोनिक किडनीअ जे बीमारियुनि जे शुरुआती स्टेज दरम्यान रखण में ईंदड़ ख़बरदारियुनि ऐं उन बिमारियुनि खे दूर करण जी कोशिश कीअं कजे या डायलिसिज़ ऐं ट्रान्सप्लान्टेश खे महिमल कीअं कजे, इन ते हिक ख़ास बाबु मर्कज़नुमा आहे । डायालिसिज़, किडनी ट्रान्सप्लान्टेशन जे बारे में काराइती जाण पिणु अलग डिनल आहे ।
हिन किताब खे किडनीअ जे मरीजनि लाइ मुकमल रहिबर (सूंहो) बणाइण ला , इन में किडनीअ जा रवाजी मसइला (किडनी फेल्यर खां सिवाइ) , किडनीअ जे बीमारियुनि बाबति ग़लति मञिताअूं ऐं हक़ीक़तूं , बीमारिअ खे दूर रखण ऐं बचाव जा सोनहिरी नियम, किडनीअ जे मरीज़नि द्वारां उपयोग में ईंदड़ दवाउनि बाबति नुसिख़ा ऐं बियो बि घणा कुझ डिनल आहे ।
जींअ त क्रोनिक किडनीअ जी बीमारीअ (सी. के. डी.) जे मरीज़नि लाइ खाधो हिकु तमामु ज़़रूरी वाबिस्ता ऐं मुंझाईंदड़ इस्म आहे, इन करे इन विषय ते हिकु अलग बाबु पिणु डिनल आहे । पछाड़ीअ में डिनल तबीबी लफ़िज़नि जी माना ऐं इख़ितसार हिन किताब खे समिझण में तमामु आसान बणाऐ थो ।
हिन किडनी में रहिबर डिनल जाण फ़कत तालीमी मक़िसद लाइ आहे । महिरबानी करे हिन किताब जे आधार ते हासिल कयल जाण जे आधार ते को बि ख़ूद निदान या इलाज न कंदा । इलाज लाइ तव्हां खे हमेशह पंहिंजे डाक्टर या बिअे तंदुरस्तीअ जे प्रोफेशन सां संपर्क करण घुरिजे ।
स्रोत : किडनी एजुकेशन
आख़िर बदलाउ कयल : 2/18/2020
